muztarib hain maujen kyun uTh rahe hain tufan kyun
kya kisi safine ko aarzu-e-sahil hai
Why are the waves so agitated, why do storms unfold?
Does a ship amidst the seas, seek the shores again?
Ameer Qazalbash
suna hai ab bhi mere hath ki lakiron mein
najumiyon ko muqaddar dikhai deta hai
Ameer Qazalbash
subh tak main sochta hun sham se
ji raha hai kaun mere nam se
Ameer Qazalbash
qatl ho to mera sa maut ho to meri si
mere sogwaron mein aaj mera qatil hai
Today amongst my mourners, my murderer too grieves
A death, a murder as was mine, all lovers should attain
Ameer Qazalbash
puchha hai ghair se mere haal-e-tabah ko
izhaar-e-dosti bhi kiya dushmani ke sath
Ameer Qazalbash
mere paDos mein aise bhi log baste hain
jo mujh mein DhunD rahe hain buraiyan apni
Ameer Qazalbash
mere junun ka natija zarur niklega
isi siyah samundar se nur niklega
Ameer Qazalbash
tum rah mein chup-chap khaDe ho to gae ho
kis kis ko bataoge ki ghar kyun nahin jate
Ameer Qazalbash
mujh se bach bach ke chali hai duniya
mere nazdik KHuda ho jaise
Ameer Qazalbash