jo tum ho to ye kaise man lun main
ki jo kuchh hai yahan bas ek guman hai

Ambareen Haseeb ambar

---

---

ab ke hum ne bhi diya tark-e-talluq ka jawab
honT KHamosh rahe aankh ne barish nahin ki

Ambareen Haseeb ambar

---

---

ek hasin KHwab ki aankhon se nikalta hi nahin
ek wahshat hai ki tabir hui jati hai

Ambareen Haseeb ambar

---

---

hum to sunte the ki mil jate hain bichhDe hue log
tu jo bichhDa hai to kya waqt ne gardish nahin ki

Ambareen Haseeb ambar

---

---

faisla bichhaDne ka kar liya hai jab tum ne
phir meri tamanna kya phir meri ijazat kyun

Ambareen Haseeb ambar

---

---

duniya to hum se hath milane ko aai thi
hum ne hi eatibar dobara nahin kiya

Ambareen Haseeb ambar

---

---

dil jin ko DhunDhta hai na-jaane kahan gae
KHwab-o-KHayal se wo zamane kahan gae

Ambareen Haseeb ambar

---

---

hul jote hain musafir rasta
log kahte hain kahani phir bhi

Ambareen Haseeb ambar

---

---

ayan donon se takmil-e-jahan hai
zamin gum ho to phir kya aasman hai

Ambareen Haseeb ambar

---

---