phuTne wali hai mazdur ke mathe se kiran
surKH parcham ufuq-e-subh pe lahraate hain

Ali Sardar Jafri

---

---

ahut barbaad hain lekin sada-e-inqalab aae
wahin se wo pukar uThega jo zarra jahan hoga

Ali Sardar Jafri

---

---

maqtal-e-shauq ke aadab nirale hain bahut
dil bhi qatil ko diya karte hain sar se pahle

love's killing grounds has etiquette that is truly apart
before the killer takes your head you have to give your heart

Ali Sardar Jafri

---

---

kami kami si thi kuchh rang-o-bu-e-gulshan mein
lab-e-bahaar se nikli hui dua tum ho

Ali Sardar Jafri

---

---

kaam ab koi na aaega bas ek dil ke siwa
raste band hain sab kucha-e-qatil ke siwa

Ali Sardar Jafri

---

---

isi liye to hai zindan ko justuju meri
ki muflisi ko sikhai hai sar-kashi main ne

Ali Sardar Jafri

---

---

isi duniya mein dikha den tumhein jannat ki bahaar
shaiKH ji tum bhi zara ku-e-butan tak aao

Ali Sardar Jafri

---

---

inqalab aaega raftar se mayus na ho
bahut aahista nahin hai jo bahut tez nahin

Ali Sardar Jafri

---

---

dil-o-nazar ko abhi tak wo de rahe hain fareb
tasawwuraat-e-kuhan ke qadim but-KHane

Ali Sardar Jafri

---

---