ishq mein tahzib ke hain aur hi kuchh falsafe
tujh se ho kar hum KHafa KHud se KHafa rahne lage

Alam Khursheed

---

---

aae ho numaish mein zara dhyan bhi rakhna
har shai jo chamakti hai chamakdar nahin hai

Alam Khursheed

---

---

hath pakaD le ab bhi tera ho sakta hun main
bhiD bahut hai is mele mein kho sakta hun main

Alam Khursheed

---

---

guzishta rut ka amin hun nae makan mein bhi
purani inT se tamir karta rahta hun

Alam Khursheed

---

---

dil rota hai chehra hansta rahta hai
kaisa kaisa farz nibhana hota hai

Alam Khursheed

---

---

chaaron taraf hain shole ham-sae jal rahe hain
main ghar mein baiTha baiTha bas hath mal raha hun

Alam Khursheed

---

---

ahut sukun se rahte the hum andhere mein
fasad paida hua raushni ke aane se

Alam Khursheed

---

---

apni kahani dil mein chhupa kar rakhte hain
duniya walon ko hairan nahin karte

Alam Khursheed

---

---

ahl-e-hunar ki aankhon mein kyun chubhta rahta hun
main to apni be-hunari par naz nahin karta

Alam Khursheed

---

---