dil rota hai chehra hansta rahta hai
kaisa kaisa farz nibhana hota hai

Alam Khursheed

---

---

chaaron taraf hain shole ham-sae jal rahe hain
main ghar mein baiTha baiTha bas hath mal raha hun

Alam Khursheed

---

---

ahut sukun se rahte the hum andhere mein
fasad paida hua raushni ke aane se

Alam Khursheed

---

---

apni kahani dil mein chhupa kar rakhte hain
duniya walon ko hairan nahin karte

Alam Khursheed

---

---

ahl-e-hunar ki aankhon mein kyun chubhta rahta hun
main to apni be-hunari par naz nahin karta

Alam Khursheed

---

---

ab kitni kar-amad jangal mein lag rahi hai
wo raushni jo ghar mein bekar lag rahi thi

Alam Khursheed

---

---