mubham the sab nuqush naqabon ki dhund mein
chehra ek aur bhi pas-e-chehra zarur tha
Akbar Hyderabadi
meri shikast bhi thi meri zat se mansub
ki meri fikr ka har faisla shuuri tha
Akbar Hyderabadi
aankh mein aansu ka aur dil mein lahu ka kal hai
hai tamanna ka wahi jo zindagi ka haal hai
Akbar Hyderabadi
KHud-parasti KHuda na ban jae
ehtiyatan gunah karta hun
Akbar Hyderabadi
himmat wale pal mein badal dete hain duniya ko
sochne wala dil to baiTha socha karta hai
Akbar Hyderabadi
har dukan apni jagah hairat-e-nazzara hai
fikr-e-insan ke sajae hue bazar to dekh
Akbar Hyderabadi
dil daba jata hai kitna aaj gham ke bar se
kaisi tanhai Tapakti hai dar o diwar se
Akbar Hyderabadi
chhoD ke mal-o-daulat sari duniya mein apni
KHali hath guzar jate hain kaise kaise log
Akbar Hyderabadi
charagh-e-rahguzar lakh tabnak sahi
jala ke apna diya raushni makan mein la
Akbar Hyderabadi