pahunch ke jo sar-e-manzil bichhaD gaya mujh se
wo ham-safar tha magar ham-nazar na tha mera
Akbar Hyderabadi
meri shikast bhi thi meri zat se mansub
ki meri fikr ka har faisla shuuri tha
Akbar Hyderabadi
mubham the sab nuqush naqabon ki dhund mein
chehra ek aur bhi pas-e-chehra zarur tha
Akbar Hyderabadi
musafirat ka walwala siyahaton ka mashghala
jo tum mein kuchh ziyaada hai safar karo safar karo
Akbar Hyderabadi
mushkil hi se kar leti hai duniya use qubul
aisi haqiqat jis mein fasana kam kam hota hai
Akbar Hyderabadi
na jaane kitni bastiyan ujaD ke rah gain
mile hain raste mein kuchh makan jale jale
Akbar Hyderabadi
ut badli to zamin ke chehre ka ghaza bhi badla
rang magar KHud aasman ne badle kaise kaise
Akbar Hyderabadi
yahi soch kar iktifa chaar par kar gae shaiKH-ji
milengi wahan un ko hur aur pariyan waghaira waghaira
Akbar Hyderabadi
wo pas ho ke dur hai to dur ho ke pas
firaq aur visal hain ajib ajib se
Akbar Hyderabadi