gham-KHan-e-jahan mein waqat hi kya hamari
ek na-shunida uf hain ek aah-e-be-asar hain

Akbar Allahabadi

---

---

aai hogi kisi ko hijr mein maut
mujh ko to nind bhi nahin aati

Akbar Allahabadi

---

---

ek kafir par tabiat aa gai
parsai par bhi aafat aa gai

Akbar Allahabadi

---

---

duniya mein hun duniya ka talabgar nahin hun
bazar se guzra hun KHaridar nahin hun

I live in this world tho for life I do not vie
I pass through the market but I do not wish to buy

Akbar Allahabadi

---

---

duKHtar-e-raz ne uTha rakkhi hai aafat sar par
KHairiyat guzri ki angur ke beTa na hua

Akbar Allahabadi

---

---

dinner se tum ko fursat kam yahan faqe se kam KHali
chalo bas ho chuka milna na tum KHali na hum KHali

Akbar Allahabadi

---

---

dil wo hai ki fariyaad se labrez hai har waqt
hum wo hain ki kuchh munh se nikalne nahin dete

Akbar Allahabadi

---

---

dhamka ke bose lunga ruKH-e-rashk-e-mah ka
chanda wasul hota hai sahab dabaw se

Akbar Allahabadi

---

---

dam labon par tha dil-e-zar ke ghabrane se
aa gai jaan mein jaan aap ke aa jaane se

Akbar Allahabadi

---

---