aai hogi kisi ko hijr mein maut
mujh ko to nind bhi nahin aati
Akbar Allahabadi
ghazab hai wo ziddi baDe ho gae
main leTa to uTh ke khaDe ho gae
Akbar Allahabadi
ghamza nahin hota ki ishaara nahin hota
aankh un se jo milti hai to kya kya nahin hota
Akbar Allahabadi
gham-KHan-e-jahan mein waqat hi kya hamari
ek na-shunida uf hain ek aah-e-be-asar hain
Akbar Allahabadi
falsafi ko bahs ke andar KHuda milta nahin
Dor ko suljha raha hai aur sira milta nahin
Akbar Allahabadi
ek kafir par tabiat aa gai
parsai par bhi aafat aa gai
Akbar Allahabadi
duniya mein hun duniya ka talabgar nahin hun
bazar se guzra hun KHaridar nahin hun
I live in this world tho for life I do not vie
I pass through the market but I do not wish to buy
Akbar Allahabadi
duKHtar-e-raz ne uTha rakkhi hai aafat sar par
KHairiyat guzri ki angur ke beTa na hua
Akbar Allahabadi
dinner se tum ko fursat kam yahan faqe se kam KHali
chalo bas ho chuka milna na tum KHali na hum KHali
Akbar Allahabadi