main ne ai dil tujhe sine se lagaya hua hai
aur tu hai ki meri jaan ko aaya hua hai

Ajmal Siraj

---

---

ab aap KHud hi bataen ye zindagi kya hai
karam bhi us ne kiye hain magar sitam jaise

Ajmal Siraj

---

---

kuchh kahna chahte the ki KHamosh ho gae
dastar yaad aa gai sar yaad aa gaya

Ajmal Siraj

---

---

kisi ke hijr mein jina muhaal ho gaya hai
kise bataen hamara jo haal ho gaya hai

Ajmal Siraj

---

---

kaun aata hai is KHarabe mein
is KHarabe mein kaun aata hai

Ajmal Siraj

---

---

gham sabhi dil se ruKHsat hue
dard be-intiha rah gaya

Ajmal Siraj

---

---

dikha dunga tamasha di agar fursat zamane ne
tamasha-e-farawan ko farawan kar ke chhoDunga

Ajmal Siraj

---

---

atao tum se kahan rabta kiya jae
kabhi jo tum se zarurat ho baat karne ki

Ajmal Siraj

---

---

as ek sham ka har sham intizar raha
magar wo sham kisi sham bhi nahin aai

Ajmal Siraj

---

---