phul the rang the lamhon ki sabahat hum the
aise zinda the ki jine ki alamat hum the

Aitbar Sajid

---

---

main takiye par sitare bo raha hun
janam-din hai akela ro raha hun

Aitbar Sajid

---

---

makinon ke talluq hi se yaad aati hai har basti
wagarna sirf baam-o-dar se ulfat kaun rakhta hai

Aitbar Sajid

---

---

meri poshak to pahchan nahin hai meri
dil mein bhi jhank meri zahiri haalat pe na ja

Aitbar Sajid

---

---

mujhe apne rup ki dhup do ki chamak saken mere KHal-o-KHad
mujhe apne rang mein rang do mere sare rang utar do

Aitbar Sajid

---

---

muKHtalif apni kahani hai zamane bhar se
munfarid hum gham-e-haalat liye phirte hain

Aitbar Sajid

---

---

pahle gham-e-furqat ke ye tewar to nahin the
rag rag mein utarti hui tanhai to ab hai

Aitbar Sajid

---

---

phir wahi lambi do-pahren-surmai hain phir wahi dil ki haalat hai
bahar kitna sannaTa hai andar kitni wahshat hai

Aitbar Sajid

---

---

ye barson ka talluq toD dena chahte hain hum
ab apne aap ko bhi chhoD dena chahte hain hum

Aitbar Sajid

---

---