kahin ye apni mohabbat ki intiha to nahin
bahut dinon se teri yaad bhi nahin aai

Ahmad Rahi

---

---

zindagi ke wo kisi moD pe gahe gahe
mil to jate hain mulaqat kahan hoti hai

Ahmad Rahi

---

---

wo dastan jo teri dil-kashi ne chheDi thi
hazar bar meri sadgi ne dohrai

Ahmad Rahi

---

---

waqt ki qabr mein ulfat ka bharam rakhne ko
apni hi lash utari hai tumhein kya malum

Ahmad Rahi

---

---

qad o gesu lab-o-ruKHsar ke afsane chale
aaj mahfil mein tere nam pe paimane chale

Ahmad Rahi

---

---

mere habib meri muskurahaTon pe na ja
KHuda-gawah mujhe aaj bhi tera gham hai

Ahmad Rahi

---

---

main to masjid se chala tha kisi kaba ki taraf
dukh to ye hai ki ibaadat meri bad-nam hui

Ahmad Rahi

---

---

main sochta hun zamane ka haal kya hoga
agar ye uljhi hui zulf tu ne suljhai

Ahmad Rahi

---

---

KHushk KHushk si palken aur sukh jati hain
main teri judai mein is tarah bhi rota hun

Ahmad Rahi

---

---