mujh ko malum hai mahbub-parasti ka azab
der se chand nikalna bhi ghalat lagta hai

Ahmad Kamal Parwazi

---

---

aag to chaaron hi jaanib thi par achchha ye hai
hosh-mandi se kisi chiz ko jalne na diya

Ahmad Kamal Parwazi

---

---

main qasida tera likkhun to koi baat nahin
par koi dusra dohrae to shak karta hun

Ahmad Kamal Parwazi

---

---

main ne is shahr mein wo Thokaren khai hain ki ab
aankh bhi mund ke guzrun to guzar jata hun

Ahmad Kamal Parwazi

---

---

main is liye bhi tere fan ki qadr karta hun
tu jhuT bol ke aansu nikal leta hai

Ahmad Kamal Parwazi

---

---

KHudaya yun bhi ho ki us ke hathon qatl ho jaun
wahi ek aisa qatil hai jo pesha-war nahin lagta

Ahmad Kamal Parwazi

---

---

jo kho gaya hai kahin zindagi ke mele mein
kabhi kabhi use aansu nikal ke dekhte hain

Ahmad Kamal Parwazi

---

---

is qadar aap ke badle hue tewar hain ki main
apni hi chiz uThate hue Dar jata hun

Ahmad Kamal Parwazi

---

---

ek hi tir hai tarkash mein to ujlat na karo
aise mauqe pe nishana bhi ghalat lagta hai

Ahmad Kamal Parwazi

---

---