hangam-e-qanaat dil-e-murda hua zinda
mazmun-e-qum eajaz-e-lab-e-nan-e-jawin tha

Ahmad Husain Mail

---

---

aasman khae to zamin dekhe
dahan-e-gor ka niwala hun

Ahmad Husain Mail

---

---

ja ke main ku-e-butan mein ye sada deta hun
dil o din bechne aaya hai musalman koi

Ahmad Husain Mail

---

---

jalson mein KHalwaton mein KHayalon mein KHwab mein
pahunchi kahan kahan nigah-e-intizar aaj

Ahmad Husain Mail

---

---

jitne achchhe hain main hun un mein bura
hain bure jitne un mein achchha hun

Ahmad Husain Mail

---

---

jo aae hashr mein wo sab ko marte aae
jidhar nigah phiri choT par lagai choT

Ahmad Husain Mail

---

---

jo un ko lipTa ke gal chuma haya se aane laga pasina
hui hai boson ki garm bhaTTi khinche na kyunkar sharab-e-ariz

Ahmad Husain Mail

---

---

khol kar zulf-e-musalsal ko paDhi us ne namaz
ghar mein allah ke bhi jal bichha kar aaya

Ahmad Husain Mail

---

---

kuchh na puchho zahidon ke baatin o zahir ka haal
hai andhera ghar mein aur bahar dhuan batti charagh

Ahmad Husain Mail

---

---