isi liye hamein ehsas-e-jurm hai shayad
abhi hamari mohabbat nai nai hai na

Afzal Khan

---

---

itni sari yaadon ke hote bhi jab dil mein
virani hoti hai to hairani hoti hai

Afzal Khan

---

---

jaane kya kya zulm parinde dekh ke aate hain
sham Dhale peDon par marsiya-KHwani hoti hai

Afzal Khan

---

---

kisi ne KHwab mein aakar mujhe ye hukm diya
tum apne ashk bhi bheja karo duaon ke sath

Afzal Khan

---

---

logon ne aaram kiya aur chhuTTi puri ki
yakum may ko bhi mazduron ne mazduri ki

Afzal Khan

---

---

main KHud bhi yar tujhe bhulne ke haq mein hun
magar jo bich mein kam-baKHt shairi hai na

Afzal Khan

---

---

mujhe rona nahin aawaz bhi bhaari nahin karni
mohabbat ki kahani mein adakari nahin karni

Afzal Khan

---

---