nahin tha dhyan koi toDte hue cigarette
main tujh ko bhul gaya chhoDte hue cigarette

Afzal Khan

---

---

tu roz jis ke tajassus mein aa raha hai yahan
hazar bar bataya hai wo nahin hun mein

Afzal Khan

---

---

ye bhi KHud ko hausla dene ka hila hai ki main
ungliyon se likh raha hun chaar su la-taqnatu

Afzal Khan

---

---

ye jo kuchh log KHayalon mein raha karte hain
un ka ghar-bar bhi hota hai nahin bhi hota

Afzal Khan

---

---

ye kah diya hai mere aansuon ne tang aa kar
hamein ba-waqt-e-zarurat nikaliye saha

Afzal Khan

---

---

ye mohabbat ke mahal tamir karna chhoD de
main bhi shahzada nahin hun tu bhi shahzadi nahin

Afzal Khan

---

---

ye nukta ek qissa-go ne mujh ko samjhaya
har kirdar ke andar ek kahani hoti hai

Afzal Khan

---

---

zara ye dusra misra durust farmaen
mere makan pe likkha hai ghar barae-faroKHt

Afzal Khan

---

---

ek waDera kuchh maweshi le ke baiTha hai yahan
ganw ki jitni bhi aabaadi hai aabaadi nahin

Afzal Khan

---

---