ulfat mein tera rona 'ehsan' bahut baja hai
har waqt meinh ka hona ye rahmat-e-KHuda hai

Abdul Rahman Ehsan Dehlvi

---

---

us lab-e-baam se ai sarsar-e-furqat tu bata
misl tinke ke mera ye tan-e-laghar phenka

Abdul Rahman Ehsan Dehlvi

---

---

wo aag lagi pan chabae se kasu ki
ab tak nahin bujhti hai bujhae se kasu ki

Abdul Rahman Ehsan Dehlvi

---

---

yaad to haq ki tujhe yaad hai par yaad rahe
yar dushwar hai wo yaad jo hai yaad ka haq

Abdul Rahman Ehsan Dehlvi

---

---

yara hai kahan itna ki us yar ko yaro
main ye kahun ai yar hai tu yar hamara

Abdul Rahman Ehsan Dehlvi

---

---

ek bose se murad-e-dil-e-nashad to do
kuchh na do hath se par munh se meri dad to do

Abdul Rahman Ehsan Dehlvi

---

---

aankhen meri phuTen teri aankhon ke baghair aah
gar main ne kabhi nargis-e-bimar ko dekha

Abdul Rahman Ehsan Dehlvi

---

---

aag is dil-lagi ko lag jae
dil-lagi aag phir lagane lagi

Abdul Rahman Ehsan Dehlvi

---

---

aah-e-pechan apni aisi hai ki jis ke pech ko
pechwan nicha bhi tera dekh kar KHam khae hai

Abdul Rahman Ehsan Dehlvi

---

---