dil mein tum ho na jalao mere dil ko dekho
mera nuqsan nahin apna ziyan kijiyega

Abdul Rahman Ehsan Dehlvi

---

---

andheri raat ko main roz-e-ishq samjha tha
charagh tu ne jalaya to dil bujha mera

Abdul Rahman Ehsan Dehlvi

---

---

chashm-e-mast us ki yaad aane lagi
phir zaban meri laDkhaDane lagi

Abdul Rahman Ehsan Dehlvi

---

---

a-waqt-e-bosa-e-lab kash ye dil kaamran hota
zaban us bad-zaban ki munh mein aur main zaban hota

Abdul Rahman Ehsan Dehlvi

---

---

apni na-fahmi se main aur na kuchh kar baiThun
is tarah se tumhein jaez nahin eajaz se ramz

Abdul Rahman Ehsan Dehlvi

---

---

anar-e-KHuld ko tu rakh ki main pasand nahin
kuchen wo yar ki rashk-e-anar ai waiz

Abdul Rahman Ehsan Dehlvi

---

---

agar baiTha hi naseh munh ko si baiTh
wagarna yan se uTh ai be-haya ja

Abdul Rahman Ehsan Dehlvi

---

---

aah-e-pechan apni aisi hai ki jis ke pech ko
pechwan nicha bhi tera dekh kar KHam khae hai

Abdul Rahman Ehsan Dehlvi

---

---

aag is dil-lagi ko lag jae
dil-lagi aag phir lagane lagi

Abdul Rahman Ehsan Dehlvi

---

---