nazar ki maut ek taza alamiya
aur itne mein nazara mar raha hai

Abdul Ahad Saaz

---

---

pyas bujh jae zamin sabz ho manzar dhul jae
kaam kya kya na in aankhon ki teri aae hamein

Abdul Ahad Saaz

---

---

pas-manzar mein 'feed' hue jate hain insani kirdar
focus mein rafta rafta shaitan ubharta aata hai

Abdul Ahad Saaz

---

---

nind miTTi ki mahak sabze ki ThanDak
mujh ko apna ghar bahut yaad aa raha hai

Abdul Ahad Saaz

---

---

nek guzre meri shab sidq-e-badan se tere
gham nahin rabta-e-subh jo kazib Thahre

Abdul Ahad Saaz

---

---

muflisi bhuk ko shahwat se mila deti hai
gandumi lams mein hai zaiqa-e-nan-e-jawin

Abdul Ahad Saaz

---

---

meri rafiq-e-nafas maut teri umr daraaz
ki zindagi ki tamanna hai dil mein afzun phi

Abdul Ahad Saaz

---

---

aat hai log ghar mein baiThe hain
daftar-aluda o dukan-zada

Abdul Ahad Saaz

---

---

mushabahat ke ye dhoke mumasalat ke fareb
mera tazad liye mujh sa hu-ba-hu kya hai

Abdul Ahad Saaz

---

---