aai hawa na ras jo sayon ke shahr ki
hum zat ki qadim guphaon mein kho gae

Abdul Ahad Saaz

---

---

jaise koi daera takmil par hai
in dinon mujh par guzishta ka asar hai

Abdul Ahad Saaz

---

---

jitne marka-e-dil wo lagatar gaya
jis ghaDi fath ka ailan hua haar gaya

Abdul Ahad Saaz

---

---

jin ko KHud ja ke chhoD aae qabron mein hum
un se raste mein muDbheD hoti rahi

Abdul Ahad Saaz

---

---

KHabar ke moD pe sang-e-nishan thi be-KHabari
Thikane aae mere hosh ya Thikane lage

Abdul Ahad Saaz

---

---

KHirad ki rah jo chala main to dil ne mujh se kaha
aziz-e-man ba-salamat-rawi o baz-ai

Abdul Ahad Saaz

---

---

la se la ka safar tha to phir kis liye
har KHam-e-rah se jaan ulajhti rahi

Abdul Ahad Saaz

---

---

main baDhte baDhte kisi roz tujh ko chhu leta
ki gin ke rakh diye tu ne meri majal ke din

Abdul Ahad Saaz

---

---

main ek saat-e-be-KHud mein chhu gaya tha jise
phir us ko lafz tak aate hue zamane lage

Abdul Ahad Saaz

---

---