mere mah o sal ki kahani ki dusri qist is tarah hai
junun ne ruswaiyan likhi thin KHirad ne tanhaiyan likhi hain

Abdul Ahad Saaz

---

---

'saz' jab khula hum par sher koi 'ghaalib' ka
hum ne goya baatin ka ek suragh sa paya

Abdul Ahad Saaz

---

---

shaeri talab apni shaeri ata us ki
hausle se kam manga zarf se siwa paya

Abdul Ahad Saaz

---

---

sher achchhe bhi kaho sach bhi kaho kam bhi kaho
dard ki daulat-e-nayab ko ruswa na karo

Abdul Ahad Saaz

---

---

shikast-e-wada ki mahfil ajib thi teri
mera na hona tha barpa tere na aane mein

Abdul Ahad Saaz

---

---

shoalon se be-kar Daraate ho hum ko
guzre hain hum sard jahannam-zaron se

Abdul Ahad Saaz

---

---

wo to aisa bhi hai waisa bhi hai kaisa hai magar?
kya ghazab hai koi us shoKH ke jaisa bhi nahin

Abdul Ahad Saaz

---

---

yaadon ke naqsh ghul gae tezab-e-waqt mein
chehron ke nam dil ki KHalaon mein kho gae

Abdul Ahad Saaz

---

---

zamane sabz o surKH o zard guzre
zamin lekin wahi KHakistari hai

Abdul Ahad Saaz

---

---