tha intizar manaenge mil ke diwali
na tum hi lauT ke aae na waqt-e-sham hua

Aanis Moin

---

---

kab bar-e-tabassum mere honTon se uThega
ye bojh bhi lagta hai uThaega koi au

Aanis Moin

---

---

kyun khul gae logon pe meri zat ke asrar
ai kash ki hoti meri gahrai zara au

Aanis Moin

---

---

main apni zat ki tanhai mein muqayyad tha
phir is chaTan mein ek phul ne shigaf kiya

Aanis Moin

---

---

mere apne andar ek bhanwar tha jis mein
mera sab kuchh sath hi mere Dub gaya hai

Aanis Moin

---

---

mumkin hai ki sadiyon bhi nazar aae na suraj
is bar andhera mere andar se uTha hai

Aanis Moin

---

---

na jaane bahar bhi kitne aaseb muntazir hon
abhi main andar ke aadmi se Dara hua hun

Aanis Moin

---

---

na thi zamin mein wusat meri nazar jaisi
badan thaka bhi nahin aur safar tamam hua

Aanis Moin

---

---

ye aur baat ki rang-e-bahaar kam hoga
nai ruton mein daraKHton ka bar kam hoga

Aanis Moin

---

---