aqib qatl hua us ki tegh-e-abru se
haram-zada tha achchha hua halal hua
Aagha Akbarabadi
o sitamgar teri talwar ka dhabba chhaT jae
apne daman ko lahu se mere bhar jaane de
Aagha Akbarabadi
mai-kashon mein na koi mujh sa namazi hoga
dar-e-mai-KHana pe bichhta hai musalla apna
Aagha Akbarabadi
mai-kasho der hai kya daur chale bismillah
aai hai shisha-o-saghar ki talabgar ghaTa
Aagha Akbarabadi
kuchh aisi pila de mujhe ai pir-e-mughan aaj
qainchi ki tarah chalne lagi meri zaban aaj
Aagha Akbarabadi
ut nazar aaenge mashuqon ki kasrat hogi
aaj but-KHana mein allah ki qudrat hogi
Aagha Akbarabadi
kisi ko koste kyun ho dua apne liye mango
tumhaara faeda kya hai jo dushman ka zarar hoga
Aagha Akbarabadi
junun ke hath se hai in dinon gareban tang
qaba pukarti hai tar tar hum bhi hain
Aagha Akbarabadi
ji chahta hai us but-e-kafir ke ishq mein
tasbih toD Daliye zunnar dekh ka
Aagha Akbarabadi