wo nind ki mati jis ki aankhen
sham-Dhale naranji hotin
aate jate KHwab anokhe
palken jis ki chhute rahte
jis ki khiDki ke pardon par
chand ka bhi na saya paDta
jis ke kamre se bach bach kar
suraj apna rasta chalta
jis ke aangan chanchal chiDiyan
sargoshi mein baaten kartin
jis ke zehn mein soch ki girhen paDtin
aur khul jati thin
jis ke dil par yas ke baadal chhate
aur uD jate the
us ki aankhen phaTi phaTi si
us ka chehra bujha bujha
Nazm
Nind ki mati
Shahnaz Nabi