papa
tum mar jao na papa
main tum se nafrat karta hun
kash tum lete ho khansi mujh ko aati hai
dil ke daure tumhein nahin
mujh ko paDte hain
aaKHir kab tak
raat mein uTh kar
light jala kar
dekhunga main sans tumhaari
kab tak meri teacher
mujh ko Tokegi
gum-sum rahne par
kaise batlaun
main kitna Dar jata hun
jab meri rickshaw muDti hai
ghar wale raste par
aaj bhi kam bechain nahin main
moD wo bas aane wala hai
chain paD gaya
aaj bhi mere ghar ke aage bhiD nahin hai
yani
aaj bhi shayad sab kuchh Thik hai ghar mein
yani tum zinda ho papa
Nazm
Mohabbat ki intiha par
Shariq Kaifi