kisi ki aansuon se tar-ba-tar daDhi ke
kuchh TuTe hue baal
aaj bhi mumkin hai mil jaen
baDe sanduq mein rakkhe
mere bad-rang se ek suitar par
usi din ka koi ham-shakl din hai
kisi tange mein phir saman rakkha ja raha hai
wahi dahliz hai
lekin mere daDhi nahin hai
mera laDka gale se lag ke mere
thapak kar piTh meri
buzurgon ki tarah mujh ko tasalli de raha hai
aur main ek bachche ki surat ro raha hun
hichkiyon se
Nazm
Kisi tange mein phir saman rakkha ja raha hai
Shariq Kaifi