talafi wafa ki jafa chahta hun
tumhin KHud ye kah do bura chahta hun
koi mol le to bika chahta hun
main sahab se banda hua chahta hun
tumhin chaho mujh ko to kya chahiye phir
main is ke siwa aur kya chahta hun
mera muddaa kya samajhte nahin ho
tumhein chahta hun to kya chahta hun
masiha ho gar tum to apne liye ho
main apne maraz ki dawa chahta hun
tumhein chahun main tum raqibon ko chaho
ye insaf pesh-e-KHuda chahta hun
Ghazal
Talafi wafa ki jafa chahta hun
Zaheer Dehlvi