کنیز وقت کو نیلام کر دیا سب نے
یہ وہم کیا ہے بڑا کام کر دیا سب نے
کوئی بھی شخص صحت مند کیا نظر آئے
منافرت کا سبق عام کر دیا سب نے
ملی نہ جب انہیں تعبیر اپنے خوابوں کی
پھر اپنی آنکھوں کو نیلام کر دیا سب نے
برا سمجھ کے بزرگوں نے جس کو چھوڑا تھا
وہ کار بد خوش انجام دیا سب نے
ہر ایک سچ کو تو منسوب کر لیا خود سے
تمام جھوٹ مرے نام کر دیا سب نے
جو اپنے عہد کو سچائی بانٹتا تھا ظفرؔ
اس ایک شخص کو بدنام کر دیا سب نے
غزل
کنیز وقت کو نیلام کر دیا سب نے
ظفر اقبال ظفر