aap se chuk ho gai shayad
aap aur mujh pe mehrban kya KHu

Unwan Chishti

---

---

husn hi to nahin betab-e-numaish 'unwan'
ishq bhi aaj nai jalwagari mange hai

Unwan Chishti

---

---

is kar-e-numayan ke shahid hain chaman wale
gulshan mein bahaaron ko lae the hamin pahle

Unwan Chishti

---

---

ishq phir ishq hai aashufta-sari mange hai
hosh ke daur mein bhi jama-dari mange hai

Unwan Chishti

---

---

kuchh to batao ai farzano diwanon par kya guzri
shahr-e-tamanna ki galiyon mein barpa hai kohram bahut

Unwan Chishti

---

---

main kis tarah tujhe ilzam-e-bewafai dun
rah-e-wafa mein tere naqsh-e-pa bhi milte hain

Unwan Chishti

---

---

meri samajh mein aa gaya har ek raaz-e-zindagi
jo dil pe choT paD gai to dur tak nazar gai

Unwan Chishti

---

---

pareshan ho ke dil tark-e-talluq par hai aamada
mohabbat mein ye surat bhi na ras aai to kya hoga

Unwan Chishti

---

---

wo hadse bhi dahr mein hum par guzar gae
jine ki aarzu mein kai bar mar gae

Unwan Chishti

---

---