aasmanon se farishte jo utare jaen
wo bhi is daur mein sach bolen to mare jaen

Ummeed Fazli

---

---

ai dopahar ki dhup bata kya jawab dun
diwar puchhti hai ki saya kidhar gaya

Ummeed Fazli

---

---

chaman mein rakhte hain kanTe bhi ek maqam ai dost
faqat gulon se hi gulshan ki aabru to nahin

Ummeed Fazli

---

---

gar qayamat ye nahin hai to qayamat kya hai
shahr jalta raha aur log na ghar se nikle

Ummeed Fazli

---

---

ghar to aisa kahan ka tha lekin
dar-ba-dar hain to yaad aata hai

Ummeed Fazli

---

---

jaane kab tufan bane aur rasta rasta bichh jae
band bana kar so mat jaana dariya aaKHir dariya hai

Ummeed Fazli

---

---

jaane kis moD pe le aai hamein teri talab
sar pe suraj bhi nahin rah mein saya bhi nahin

Ummeed Fazli

---

---

jab se 'ummid' gaya hai koi!!
lamhe sadiyon ki alamat Thahre

Ummeed Fazli

---

---

maqtal-e-jaan se ki zindan se ki ghar se nikle
hum to KHushbu ki tarah nikle jidhar se nikle

Ummeed Fazli

---

---