aDhte chale gae jo wo manzil ko pa gae
main pattharon se panw bachane mein rah gaya

Umair Manzar

---

---

har bar hi main jaan se jaane mein rah gaya
main rasm-e-zindagi jo nibhane mein rah gaya

Umair Manzar

---

---

is mahfil mein main bhi kya bebak hua
aib o hunar ka sara parda chaak hua

Umair Manzar

---

---

sathi mere kahan se kahan tak pahunch gae
main zindagi ke naz uThane mein rah gaya

Umair Manzar

---

---

suna ye tha bahut aasuda hain sahil ke bashinde
magar TuTi hui kashti mein dariya par hona tha

Umair Manzar

---

---

tazkira ho tera zamane mein
aisa pahlu koi bayan mein rakh

Umair Manzar

---

---

yahan hum ne kisi se dil lagaya hi nahin 'manzar'
ki is duniya se aaKHir ek din be-zar hona tha

Umair Manzar

---

---

ye mere sathi hain pyare sathi magar inhen bhi nahin gawara
main apni wahshat ke maqbare se nai tamanna ke KHwab dekhun

Umair Manzar

---

---

ye to sach hai ki wo sitamgar hai
dar par aaya hai to aman mein rakh

Umair Manzar

---

---