achchha hai ki sirf ishq kije
ye umr to yun bhi raegan hai

Tauseef Tabassum

---

---

dekhne wali agar aankh ko pahchan saken
rang KHud parda-e-taswir se bahar ho jaen

Tauseef Tabassum

---

---

dil bayaz-e-umr ki auraq-gardani mein hai
kya KHabar hai kaun sa safha khula rah jaega

Tauseef Tabassum

---

---

dil ki bazi haar ke roe ho to ye bhi sun rakkho
aur abhi tum pyar karoge aur abhi pachhtaoge

Tauseef Tabassum

---

---

dukh jhelo to ji kaDa hi rakhna
dil hai to hisab-e-dostan hai

Tauseef Tabassum

---

---

jo bhi narmi hai KHayalon mein na hone se hai
KHwab aankhon se nikal jaen to patthar ho jaen

Tauseef Tabassum

---

---

kaun se dukh ko palle bandhen kis gham ko tahrir karen
yan to dard siwa hota hai aur bhi arz-e-haal ke baad

Tauseef Tabassum

---

---

kya ye sach hai ki KHizan mein bhi chaman khilte hain
mere daman mein lahu hai to mahakta kya hai

Tauseef Tabassum

---

---

panw mein lipTi hui hai sab ke zanjir-e-ana
sab musafir hain yahan lekin safar mein kaun hai

Tauseef Tabassum

---

---