abhi is rah se koi gaya hai
kahe deti hai shoKHi naqsh-e-pa ki

Taskeen Dehlavi

---

---

itni na kije jaane ki jaldi shab-e-visal
dekhe hain main ne kaam bigaDte shitab mein

Taskeen Dehlavi

---

---

jis waqt nazar paDti hai us shoKH pe 'taskin'
kya kahiye ki ji mein mere kya kya nahin hota

Taskeen Dehlavi

---

---

karta hun teri zulf se dil ka mubaadala
har-chand jaanta hun ye sauda bura nahin

Taskeen Dehlavi

---

---

KHub-surat na ho koi to na ho badnami
sach to ye hai ki bura hota hai achchha hona

Taskeen Dehlavi

---

---

puchhe jo tujh se koi ki 'taskin' se kyun mila
kah dijo haal dekh ke rahm aa gaya mujhe

Taskeen Dehlavi

---

---

shab-e-visal mein sunna paDa fasana-e-ghair
samajhte kash wo apna na raazdar mujhe

Taskeen Dehlavi

---

---

'taskin' ne nam le ke tera waqt-e-marg aah
kya jaane kya kaha tha kisi ne suna nahin

Taskeen Dehlavi

---

---

taskin' karun kya dil-e-muztar ka ilaj ab
kam-baKHt ko mar kar bhi to aaram na aaya

Taskeen Dehlavi

---

---