dukhon ke rup bahut aur sukhon ke KHwab bahut
tera karam hai bahut par mere azab bahut

Tanveer Anjum

---

---

dur tak ye raste KHamosh hain
dur tak hum KHud ko sunte jaenge

Tanveer Anjum

---

---

fareb-e-qurb-e-yar ho ki hasrat-e-supurdagi
kisi sabab se dil mujhe ye be-qarar chahiye

Tanveer Anjum

---

---

gham-e-zamana jab na ho gham-e-wajud DhunD lun
ki ek zamin-e-jaan jo hai wo daghdar chahiye

Tanveer Anjum

---

---

is KHubi-e-qismat pe mujhe naz bahut hai
wo shaKHs meri jaan ka talabgar hua hai

Tanveer Anjum

---

---

lamha-e-imkan ko pahlu badalte dekhna
aatish-e-be-rang mein KHud ko pighalte dekhna

Tanveer Anjum

---

---

mujhe aziz hai be-ehtiyati-e-sada
na shauq hai na hunar us ko aazmane ka

Tanveer Anjum

---

---

shahron ke sare jangal gunjaan ho gae hain
phir log mere andar sunsan ho gae hain

Tanveer Anjum

---

---

TuTi hai ye kashti to mere sath safar ko
wo jaan-e-masafat mera tayyar hua hai

Tanveer Anjum

---

---