lamha-dar-lamha guzarta hi chala jata hai
waqt KHushbu hai bikharta hi chala jata hai

Tanveer Ahmad Alvi

---

---

palak jhapakne mein kuchh KHwab TuT jate hain
jo but-shikan hai wahi lamha but-tarash bhi tha

Tanveer Ahmad Alvi

---

---

iwayaton ko salibon se kar diya aazad
yahi rasan to sar-e-dar toD di main ne

Tanveer Ahmad Alvi

---

---

teri yaadon ki kahani to nahin hai 'tanwir'
dil pe dastak jo diya karta hai KHushbu ki tarah

Tanveer Ahmad Alvi

---

---

wo daeron se jo bahar na aa sake 'tanwir'
wo rasm-e-gardish-e-parkar toD di main ne

Tanveer Ahmad Alvi

---

---