aksar mere sheron ki sana karte rahe hain
wo log jo ghaalib ke taraf-dar nahin hain

Taleef Haidar

---

---

inkar bhi karne ka bahana nahin milta
iqrar bhi karne ka maza dekh rahe hain

Taleef Haidar

---

---

is tarah tujhe ishq kiya hai ki ye duniya
hum ko hi kahin ishq ka hasil na bana de

Taleef Haidar

---

---

KHirad nahin hai yahan bas junun ka sauda
hum is junun se aage makan banate hain

Taleef Haidar

---

---

KHuda wajud mein hai aadmi ke hone se
aur aadmi ka tasalsul KHuda se qaem hai

Taleef Haidar

---

---

kis ki aaankhon ka nasha hai ki mere honTon ko
is qadar tar nahin kar sakti bala-noshi bhi

Taleef Haidar

---

---

safar hi bas kar-e-zindagi hai
azab kya hai sawab kya hai

Taleef Haidar

---

---

to kyun is bar us ne mere aage sar jhukaya hai
use to aaj bhi mushkil na tha inkar kar dena

Taleef Haidar

---

---

use kahan hamein qaidi bana ke rakhna tha
hamin ko shauq nahin tha kabhi rihai ka

Taleef Haidar

---

---