har ek ka dil moh leti thi us ki ek muskan
ye muskan thi sath us ke chehre ki pahchan

Taj Saeed

---

---

kis ne aa kar hum ko di aawaz pichhli raat mein
kaun hum ko chheDne aaya hai in lamhat mein

Taj Saeed

---

---

main ne zulmat ke fusun se bhagna chaha magar
mere pichhe bhagti phirti meri ruswai thi

Taj Saeed

---

---

masala ye bhi to hai is ahd ka ai jaan-e-jaan
kyun nichhawar jaan karen kis ke liye zinda rahen

Taj Saeed

---

---

mujh se kanni kaT na gori main hun teri chhaya
main ek data jogi ban kar teri gali mein aaya

Taj Saeed

---

---

patta patta shaKH se TuTe darwazon pe wahshat si
yaro prem katha mein kis ne dard ki tan milai hai

Taj Saeed

---

---