hum duniya se jab tang aaya karte hain
apne sath ek sham manaya karte hain

Taimur Hasan

---

---

KHushi zarur thi 'taimur' din nikalne ki
magar ye gham bhi siwa tha ki raat bit gai

Taimur Hasan

---

---

main ne baKHsh di teri kyun KHata tujhe ilm hai
tujhe di hai kitni kaDi saza tujhe ilm hai

Taimur Hasan

---

---

makan se hoga kabhi la-makan se hoga
mera ye marka donon jahan se hoga

Taimur Hasan

---

---

meri tawajjoh faqat mere kaam par rahegi
main KHud ko sabit karunga dawa nahin karunga

Taimur Hasan

---

---

phir jo karne laga hai tu wada
kya mukarne ka phir irada hai

Taimur Hasan

---

---

safar mein hoti hai pahchan kaun kaisa hai
ye aarzu thi mere sath tu safar karta

Taimur Hasan

---

---

suraj ke us jaanib basne wale log
aksar hum ko pas bulaya karte hain

Taimur Hasan

---

---

tujhe main apna nahin samajhta isi liye to
zamane tujh se main koi shikwa nahin karunga

Taimur Hasan

---

---