ajab yaqin sa us shaKHs ke guman mein tha
wo baat karte hue bhi nai uDan mein tha

Tabish Kamal

---

---

hum us dharti ke bashinde the 'tabish'
ki jis ka koi mustaqbil nahin tha

Tabish Kamal

---

---

jis ne insan se mohabbat hi nahin ki 'tabish'
us ko kya ilm ki pindar se aage kya hai

Tabish Kamal

---

---

kai paDaw the manzil ki rah mein 'tabish'
mere nasib mein lekin safar kuchh aur se the

Tabish Kamal

---

---

kab khulega ki falak par se aage kya hai
kis ko malum ki diwar se aage kya hai

Tabish Kamal

---

---

koi izhaar kar sakta hai kaise
ye lafzon se zaban ka fasla hai

Tabish Kamal

---

---

na dekhen to sukun milta nahin hai
hamein aaKHir wo kyun milta nahin hai

Tabish Kamal

---

---

utar gaya hai rag-o-pai mein zaiqa us ka
ajib shahad sa kal raat us zaban mein tha

Tabish Kamal

---

---

yaqin se jo guman ka fasla hai
zamin se aasman ka fasla hai

Tabish Kamal

---

---