dekh kar kali ghaTa ahl-e-qafas
aur kya karte taDap kar rah gae

Syed Basit Hussain Mahir Lakhnavi

---

---

dil ki har baat kah gae aansu
gir ke aankhon se rah gae aansu

Syed Basit Hussain Mahir Lakhnavi

---

---

hamein to yaad nahin koi lamha-e-ishrat
kabhi tumhin ne kisi din hansa diya hoga

Syed Basit Hussain Mahir Lakhnavi

---

---

kamar bandho muqaddar ke sahaare baiThne walo
shikast-e-razm se rahon ka pech-o-KHam na badlega

Syed Basit Hussain Mahir Lakhnavi

---

---

phirti hai to phir jae badalti hai to badle
duniya ki nazar hai meri qismat to nahin hai

Syed Basit Hussain Mahir Lakhnavi

---

---

tark-e-ulfat se mohabbat ka likha miT na saka
wahi afsurdagi-e-sham-o-sahar aaj bhi hai

Syed Basit Hussain Mahir Lakhnavi

---

---