fursat mein raha karte hain fursat se zyaada
masruf hain hum log zarurat se zyaada

Sultan Akhtar

---

---

hamari sada-mizaji pe rashk karte hain
wo sada-posh jo be-intiha rangile hain

Sultan Akhtar

---

---

har ek dastan tujh se shurua hoti hai
har ek qissa tere nam par tamam hua

Sultan Akhtar

---

---

kisi ke waste jita hai ab na marta hai
har aadmi yahan apna tawaf karta hai

Sultan Akhtar

---

---

main wo sahra jise pani ki hawas le Dubi
tu wo baadal jo kabhi TuT ke barsa hi nahin

Sultan Akhtar

---

---

phir bhi hum log wahan jite hain jine ki tarah
mausam-e-qahr jahan Thahra hua rahta hai

Sultan Akhtar

---

---

samne aankhon ke phir yaKH-basta manzar aaega
dhup jam jaegi aangan mein december aaega

Sultan Akhtar

---

---

sab ke honTon pe munawwar hain hamare qisse
aur hum apni kahani bhi nahin jaante hain

Sultan Akhtar

---

---

safar safar mere qadmon se jagmagaya hua
taraf taraf hai meri KHak-e-justuju raushan

Sultan Akhtar

---

---