dekho to har ek shaKHs ke hathon mein hain patthar
puchho to kahin shahr banane ke liye hai

Suhail Ahmed Zaidi

---

---

do panw hain jo haar ke ruk jate hain
ek sar hai jo diwar se Takraata hai

Suhail Ahmed Zaidi

---

---

hum haar to jate hi ki dushman ke hamare
sau pair the sau hath the ek sar hi nahin tha

Suhail Ahmed Zaidi

---

---

hum ne to mund lin aankhen hi teri did ke baad
bul-hawas jaante hain koi hasin kitna hai

Suhail Ahmed Zaidi

---

---

har subh apne ghar mein usi waqt jagna
aazad log bhi to giraftar se rahe

Suhail Ahmed Zaidi

---

---

ek mauj-e-fana thi jo roke na ruki aaKHir
diwar bahut khinchi darban bahut rakkha

Suhail Ahmed Zaidi

---

---

kabhi to lagta hai gumrah kar gai mujh ko
suKHan-wari kabhi paighambari si lagti hai

Suhail Ahmed Zaidi

---

---

peD uncha hai magar zer-e-zamin kitna hai
lab pe hai nam-e-KHuda dil mein yaqin kitna hai

Suhail Ahmed Zaidi

---

---