ek bechain samundar hai mere jism mein qaid
TuT jae jo ye diwar to manzar dekhun

Siddique Mujibi

---

---

hamare nam likhi ja chuki thi ruswai
hamein to hona tha yun bhi KHarab chaaron taraf

Siddique Mujibi

---

---

ek lahu ki bund thi lekin kai aaankhon mein thi
ek harf-e-mo'tabar tha aur kai manon mein tha

Siddique Mujibi

---

---

KHud pe kya bit gai itne dinon mein tujh bin
ye bhi himmat nahin ab jhank ke andar dekhun

Siddique Mujibi

---

---

main ne hansne ki aziyyat jhel li roya nahin
ye saliqa bhi koi aasan jine ka na tha

Siddique Mujibi

---

---

main wo TuTa hua tara jise mahfil na ras aai
main wo shola jo shab bhar aankh ke pani mein rahta hai

Siddique Mujibi

---

---

naKHuda ho ki KHuda dekhte rah jate hain
kashtiyan Dubti hain us ke makin Dubte hain

Siddique Mujibi

---

---

uThe hain hath to apne karam ki laj bacha
wagarna meri dua kya meri talab kya hai

Siddique Mujibi

---

---