aisa kuchh gardish-e-dauran ne rakha hai masruf
majare ho na sake hum se qalam-band apne

Siddiq Shahid

---

---

aja hai KHwab-nawardi pa KHwab aaise hon
khule jo aankh to apna hi ghar khanDar na lage

Siddiq Shahid

---

---

khula na us pe kabhi meri aankh ka manzar
jami hai aankh mein kai koi dikhae use

Siddiq Shahid

---

---

KHwab TuTe paDe hain sab mere
main hun aur hairaton ka saman hai

Siddiq Shahid

---

---

kuchh aaise daur bhi taham giraft mein aae
ki ye zamin rahi baqi na aasaman hi raha

Siddiq Shahid

---

---

mujh se kahti hain wo udas aanhken
zindagi bhar ki sab thakan yan hai

Siddiq Shahid

---

---

nikal aae jo hum ghar se to sau raste nikal aae
abas tha sochna ghar mein koi ghaibi ishaara ho

Siddiq Shahid

---

---

us ke jaane pe ye ehsas hua hai 'shahid'
wo jazira tha mera dukh se bhare pani mein

Siddiq Shahid

---

---