itna nur kahan se laun tariki ke is jangal mein
do jugnu hi pas the apne jin ko sitara kar rakkha hai

Shoaib Nizam

---

---

KHud se farar itna aasan bhi nahin hai
sae karenge pichha koi kahin se nikle

Shoaib Nizam

---

---

kidhar Dubo ke kahan par ubhaarta hai tu
ye kaisa rang hai dariya teri rawani ka

Shoaib Nizam

---

---

kya KHatm na hogi kabhi sahra ki hukumat
raste mein kahin to dar-o-diwar bhi aae

Shoaib Nizam

---

---

meri talash mein us par log jate hain
magar main Dub ke is par se nikalta hun

Shoaib Nizam

---

---

meri talash mein wo bhi zarur aaega
so main bhi chashm-e-KHaridar se nikalta hun

Shoaib Nizam

---

---

miyan bazar ko sharminda karna kya zaruri hai
kahin is daur mein tahzib ke zewar badalte hain

Shoaib Nizam

---

---

tumhaare KHwab lauTane pe sharminda to hain lekin
kahan tak itne KHwabon ki nigahbani karenge hum

Shoaib Nizam

---

---

ye ek saya ghanimat hai rok lo warna
ye raushni ke badan se lipaTne wala hai

Shoaib Nizam

---

---