and kar ke khiDkiyan yun raat ko bahar na dekh
Dubti aankhon se apne shahr ka manzar na dekh

Shamim Hanafi

---

---

main ne chaha tha ki lafzon mein chhupa lun KHud ko
KHamushi lafz ki diwar gira deti hai

Shamim Hanafi

---

---

sham ne barf pahan rakkhi thi raushniyan bhi ThanDi thin
main is ThanDak se ghabra kar apni aag mein jalne laga

Shamim Hanafi

---

---

tamam umr nae lafz ki talash rahi
kitab-e-dard ka mazmun tha paemal aisa

Shamim Hanafi

---

---

wo ek shor sa zindan mein raat bhar kya tha
mujhe KHud apne badan mein kisi ka Dar kya tha

Shamim Hanafi

---

---