aankhen na jine dengi teri be-wafa mujhe
kyun khiDkiyon se jhank rahi hai qaza mujhe

Imdad Ali Bahr

---

---

afsos umr kaT gai ranj-o-malal mein
dekha na KHwab mein bhi jo kuchh tha KHayal mein

Imdad Ali Bahr

---

---

kya kya na mujh se sang-dili dilbaron ne ki
patthar paDen samajh pe na samjha kisi tarah

Imdad Ali Bahr

---

---

mera dil kis ne liya nam bataun kis ka
main hun ya aap hain ghar mein koi aaya na gaya

Imdad Ali Bahr

---

---

muddat se iltifat mere haal par nahin
kuchh to kaji hai dil mein ki sidhi nazar nahin

Imdad Ali Bahr

---

---

zahido dawat-e-rindan hai sharab aur kabab
kabhi maiKHane mein bhi roza-kushai ho jae

Imdad Ali Bahr

---

---

zalim hamari aaj ki ye baat yaad rakh
itna bhi dil-jalon ka satana bhala nahin

Imdad Ali Bahr

---

---