chehron ko pairon se kuchal kar aage baDh jaana
jit isi ko kahte hain to phir main haar gaya

Shahnawaz Zaidi

---

---

jo bhi aawe hai wo nazdik hi baiThe hai tire
shisha-e-chashm mein kis kis ko utara hua hai

Shahnawaz Zaidi

---

---

sahar hote hi jaise ret bhar jati hai sanson mein
nasim-e-hijr tere zaiqe achchhe nahin lagte

Shahnawaz Zaidi

---

---

titliyan phul mein kya DhunDhti rahti hain sada
kya kahin baad-e-saba rakh gai paigham tera

Shahnawaz Zaidi

---

---

us ki aankhon mein mohabbat ka guman tak nahin aaj
kaun si aag thi kal jis ka dhuan tak nahin aaj

Shahnawaz Zaidi

---

---

wo mere kase mein yaaden chhoD kar yun chal diya
jis tarah alfaz jate hon muani chhoD ka

Shahnawaz Zaidi

---

---

ye sukhe patte nahin zamane pe tabsire hain
shajar ne likh kar bikher di hain faza mein baaten

Shahnawaz Zaidi

---

---