chashm-e-tar ne baha ke ju-e-sarishk
mauj-e-dariya ko dhaar par mara

Shad Lakhnavi

---

---

har ek jawahar besh-baha chamka to ye patthar kahne laga
jo sang tera wo sang mera tu aur nahin main aur nahin

Shad Lakhnavi

---

---

is se behtar aur kah lenge agar zinda hain 'shad'
kho gaya pahla jo wo diwan kya tha kuchh na tha

Shad Lakhnavi

---

---

jab jite-ji na puchha puchhenge kya mare par
murde ki ruh ko bhi ghar se nikalte hain

Shad Lakhnavi

---

---

jawani se ziyaada waqt-e-piri josh hota hai
bhaDakta hai charagh-e-subh jab KHamosh hota hai

passion runneth stronger in dotage than in youth
the flame flickers burning brighter ere it dies forsooth

Shad Lakhnavi

---

---

KHuda ka Dar na hota gar bashar ko
KHuda jaane ye banda kya na karta

Shad Lakhnavi

---

---

mushkil mein kab kisi ka koi aashna hua
talwar jab gale se mili sar juda hua

Shad Lakhnavi

---

---

na taDapne ki ijazat hai na fariyaad ki hai
ghuT ke mar jaun ye marzi mere sayyaad ki hai

Shad Lakhnavi

---

---

pani pani ho KHajalat se har ek chashm-e-habab
jo muqabil ho meri ashk bhari aankhon se

Shad Lakhnavi

---

---