abhi se chhoTi hui ja rahi hain diwaren
abhi to beTi zara si meri baDi hui hai

Shabana Yousaf

---

---

agar bichhaDne ka us se koi malal nahin
'shabana' ashk se phir aankh kyun bhari hui hai

Shabana Yousaf

---

---

ek yahi soch bichhaDne nahin deti tujh se
hum tujhe baad mein phir yaad na aane lag jaen

Shabana Yousaf

---

---

KHud charaghon ko andheron ki zarurat hai bahut
raushni ho to unhen log bujhane lag jaen

Shabana Yousaf

---

---

main hath bandhe hue lauT aai hun ghar mein
ki mere pars mein ek aarzu mari hui hai

Shabana Yousaf

---

---

mere aane ki KHabar sun ke wo dauDa aata
us ko pahuncha nahin paigham yahi lagta hai

Shabana Yousaf

---

---

mujh ko bhi kar dega ruswa wo zamane bhar mein
KHud bhi ho jaega badnam yahi lagta hai

Shabana Yousaf

---

---

ye to socha hi nahin us ko juda karte hue
chun liya hai gham bhi KHushiyon ko riha karte hue

Shabana Yousaf

---

---